Зад екипата на Прилеп е сезона во која главната цел им беше да обезбедат опстанок. Целта е остварена, без поголеми стравувања за статусот следната сезона, иако играа во плејаут шампионатот. Сезоната ќе ја завршат на средината на плејаут табелата или како трети или како четвртопласирани. 
Предводени од играчот-тренер Реваз Чантурија, грузискиот Македонец, прилепчани рутински ја приведоа сезоната кон крајот, а на последниот меч најавија дека ликот на екипата ќе се смени, затоа што заминуваат двајца важни играчи. 

Следната сезона дресот на Прилеп нема да го носат Давор Шокоски и грузискиот интернационалец Мириани Гавашвелишвили.