Поранешниот вардаров ракометар, Русинот Глеб Калараш ја игра последната сезона за германскиот тим Мелзунген каде што одново работи заедно со тренерот Гарсија Парондо, таму е Рожерио Мораеш, а во јуни доаѓа и Даинис Криштопанс. 

Глеб Калараш во Мелзунген дојде како замена за повредениот Фин Лемке, кој на крајот објави и крај на кариерата. Тој добил нов договор од Мелзунген во јануари, го потпишал и вратил назад, но клубот не го верификува со свој потпис, туку по 20 дена му соопштиле дека од лето е слободен играч. 

„Мислев дека ќе останам. Добив договор, го потпишав и вратив, но потоа ме информираа дека од јуни сум слободен играч“, изјави Калараш и додаде во следниот период ќе ги убеди на терен дека направиле голема грешка што не му го продолжиле договорот.