Идејата за скандинавски тренер во Битола звучеше добро, но не заврши добро. Ларс Валтер очигледно не е тренер со капацитет што може да му даде друг лик на битолкиот ракомет, особено со тим што е склопен од играчи дојдени од повеќе држави, со различни навики и стилови на играње. И тоа сите новодојдени.

Е. Пелистер одигра полошо од минимумот што означуваше црвена линија, концептот на Ларс Валтер не мина на во Европската лига и тој мораше да замине. 

Сега Е. Пелистер игра на сѐ или ништо и го назначи Александар Јовиќ, тренерот на Еурофарм Пелистер 2 за свој прв тренер, а тим менаџер со кам бек во македонскиот ракомет е Звонко Шундовски. 

Ако нас не прашате, ова е можеби најдобрата идеја и требаше да биде првиот избор уште во јули и да состават тим според своите идеи, но рековме идејата за скандинавски тренер во Битола звучеше добро, иако не заврши добро.

Двајцата тренери доаѓаат во незгоден и ризичен момент. Следниот првенствен меч на Е. Пелистер е за три недели, а тогаш Е. Пелистер доаѓа во Скопје на дуел со Вардар 1961. 
Двете острици на мечот што го преземаа Јовиќ и Шундовски се остри како жилет. 

Оваа одлука ќе има влијание и врз вториот тим кој сега треба да најде тренер, во зависност од тоа како ќе биде склопен стручниот тим.