Плејоф-шампионатот кој според неизвесноста на сите терени се покажува како полн погодок на актуелниот систем на натпреварување викендов ќе влезе во третото коло. Први на терен се моменталниот лидер и моменталниот фенерџија. 



Први во колото ќе се фатат Вардар и Бутел Скопје. Првиот со две победи, вториот со два пораза влегуваат во оваа битка, што значи дека или ќе продолжат сериите што е најреалниот епилог или ќе имаме сензација која што би можела да го реши и најважното прашање сезонава. 

Вардар ја има улогата на фаворит, одигра два солидни дури и тешки натпревари во првенството и ја темпира формата за тоа што треба да дојде за околу еден месец, дербито во Скопје со Е. Пелистер. 
Бутел во пракса нема што да загуби, не веруваме дека некоја екипа освен Е. Пелистер има шанса да го победи Вардар во Скопје, па единствено што е да поминат на редот. Но, натпревари со Вардар би требало да се предизвик и шанса да се игра без резултатски притисок што во плејоф нема да биде случај на другите натпревари.

Натпреварот почнува во 18:30 часот, кој не може да гледа во живо во „Јане Сандански“ може да гледа со клик на линкот подолу.