Ѓоргиев: ЕП беш големо искуство, сега ќе бидеме подобри

  • 30.12.2022
  • Вести
Денеска е последниот ден од поготовките на репрезентацијата на Маврово, утре ракометарите ќе празнуваат, а потоа следи нов собир во Скопје и отпочбување на финалната фаза на подготовките и патот кон Краков. 



Ракометарите ќе можат да земат малку здив пред да влезат во завршната фаза, вклучително и настапот на мундијалот. Импресиите од Маврово, овој пат ги пренсува централниот бек Игор Ѓоргиев, ракометар кај кого е евидентен напредокот сезонава, нешто што ќе треба да го докаже на терен. 

„Подготовките течат во најдобар ред, мислам дека оваа седмица ја минавме максимално добро. работевме на кревање на формата и на воигрување на одредени тактички замисли на стручниот штаб. Одигравме и две контролни средби со Црна Гора кои беа добредојдени, а во првите денови од 2023 ќе видиме што сме сработеле. 
ЕП ДЕБРЕЦИН
Последното ЕП беше многу тешко за нас поради проблемите, заразените играчи со коронавирус и повредата во последен час на Кире Лазаров.
Голем дел од товарот падна врз нас помладите и слободно можам да кажам дека беше големо искуство за сите. За мене лично беше прво Европско првенство и верувам дека побогат за тоа искуство ќе се прикажам во уште подобро светло на наредниот мундијал.
МОЖЕМЕ БАРЕМ ДО ЕДНА ПОБЕДА
Сите знаеме дека Норвешка е фаворит во нашата група, но тоа не значи дека однапред ќе се откажеме и на тој премиерен меч во Краков. Она што селекторот го гради како менталитет во оваа подмладена репрезентација е на секој меч да се обидеме да одиме на победа.
Сепак, реалноста е дека нашата шанса ќе ја бараме на дуелите со Аргентина и Холандија, каде верувам дека можеме да забележиме најмалку една победа“, изјави организаторот на играта на Македонија, Игор Ѓоргиев. 

Поврзани вести

Иван Чупиќ го пропушта СП
Кадетите завршија како четврти во Германија
Најдобриот стрелец го „откачи“ Катар
Ви се допаѓа текстот?
Кликнете Like на нашата FB страница и станете дел од g-sport.mk