Кил (пак) не успеа, голманот на БиХ верен на Флензбург

  • 27.12.2022
  • Вести, Трансфери
Бундеслигашот Флензбург, денеска објави вест што ќе ги израдува фановите на северот на Германија. 



Голманот на репрезентацијата на БиХ, Бенјамин Буриќ потпиша нов договор со Флензбург и останува верен на клубот уште најмалку шест години, односно до 2028 година!
Дури и во ера кога не-германски клубови даваат големи пари, а особено кога и германски клубови и тоа конкретно Кил се интересира за некого, договори од ваков тип се реткост. 
Но, Флензбург очигледно врти нова страница, затоа што неодамна и Кевин Мелер, голманот кој за една сезона им беше грабнат од Барса потпиша слично, петгодишен договор и останува до 2027. 

Бенјманиќ Буриќ неодамна се најде во насловите, затоа што излезе информација дека за него е заинересиран Кил, како вистинска замена за Никлас Ландин.
Колку има вистина во ова нема да дознаеме, но ако имало и трошка, тогаш Кил одново не успеа да најде адекватно решение за Данецот. 

 
Ви се допаѓа текстот?
Кликнете Like на нашата FB страница и станете дел од g-sport.mk