„Златните“ кадети денеска против Австрија

  • 27.12.2022
  • Вести
Машката кадетска репрезентација на Македонија, екипата што победи на ЕХФ Шампионатот во Рига и си обезбеди промоција на јуниорското ЕХФ Еуро и Кадетското СП 2023, денеска прв пат по турнирот во Рига ќе игра натпревар. 



Пласманот на ЕХФ Еуро го подигна рејтингот на македонскиот тим, па така се отвори можноста да игра и контролни натпревари со екипите што се со повисок рејтинг од типот на Германија, Египет... 

Македонија ќе учествува на турниро „Шпаркасе Куп“ што годинава ќе се одржи во Мерциг. Нашиот тим е во групата со Австрија, Германија и Холандија. 
Другата група е составена од репрезентациите на Исланд, Египет, домаќинот Сар и репрезентацијата што ја победивме во финалето во Рига - Швајцарија. 

Денеска на програмата за македонскиот тим е еден натпревар, играме со Австрија со почеток од 16:00 часот. 
Утре од 11:20 играме со Германија, а од 16:40 со Холандија. 
Од резултатите зависи дали ќе играме во полуфинале или ќе играме натпревар за пласман. 

Нашата репрезентација ја води Раде Стојановиќ заедно со Бранко Ангеловски и Наум Танески. Хендикеп за нашиот тим се повредите на Тодор Узунчев, Михаил Тотиќ и Самоил Ристевски кои отпаднаа од списокот. 

Поврзани вести

ЧСМ со две ѕвезди божиќно ги израдува фановите
Андреас Нилсон заврши со Шведска
Денеска, Македонија на терен
Ви се допаѓа текстот?
Кликнете Like на нашата FB страница и станете дел од g-sport.mk