Бодовите од дербито за Бутел

БУТЕЛ СКОПЈЕ - АЛКАЛОИД 28-27 (14-14)
Сала: „Антон Димитров“ во Скопје. Судии: Глигор Ќаев и Спаско Ќаев. Делегат: Ацо Николовски
БУТЕЛ СКОПЈЕ: Бчажевски, Ивановски, Субашевски, Младеновски 1, Георгиевски 2, Николов 11, Крстевски 7, Мојсоски, Стојчевиќ, Манасков 2, Јефтиќ 1, Василевски, Цветковски, Мајиќ 3, Давитковски
Седмерци: 5/5 Исклучувања: 8 мин.
АЛКАЛОИД: Цветковски, Галевски, Трајковски, Димевски, Маркоски, Младеновиќ 2, Серафимов 8, Илиески 2, Стојковиќ 1, Иваноски, Симоноски 2, Тодески 4, Кофилоски 1, Петковски 3
Седмерци: 7/10 Исклучувања: 14 мин.

Дербито на последното коло од Прелиминаната фаза во македонската Супер ига се играше во Бутел, а гостуваше Алкалоид.
Во тврд неизвесен и тензичен натпревар, домашната екипа ги освои бодовите, победувајќи минимално 28-27. Овој меч не носи промена на табелата, со оглед на тоа дека од претходно беше познато дека Вардар ќе заврши на првото, Алкалоид на второто, а Бутел Скопје на третото место на табелата.

Домашните вечерва отворија подобро, поведоа со пет гола разлика уште на почетокот (7-2) имаа водство и од 10-6, но се врати во игра Алкалоид и израмни на 12-12, за на одмор да се замине со резултат 14-14.

Алкалоид поведе на почетокот на второро полувреме, имаше и плус два 16-14 и водеше се до моментот кога Бутел со три гола по ред од 18-19 стигна до водство од 21-19.Од тој момент домашните го контролираа резултатот, но израмнуваа гостите неколкупати.
Во финишот беше нерешено 27-27, Бутел имаше последен напад, во еден момент се Алкалоид ќе им ја пресечеше акцијата, но остана среќно топката кај домашните кои Георгиевски остана сам на линијата и погоди за победа.

Од оваа група денеска Охрид како гостин славеше победа над Вардар Неготино 27-21