Познат составот на Ол стар тимот на Македонија

  • 13.12.2022
  • Вести
Ракометната федерација на Македонија на почетокот на следната година, на трети јануари во Скопје ќе организира ракометен спектакл во кој одново на терен ќе ги видиме најголемите ѕвезди од минатот. 
РФМ денеска го објави и составот на македонскиот ол стар тим, играчите што досега потврдиле дека ќе дојдат и ќе настапат на овој меч. 



Ракометната Федерација на Македонија, со особена чест и задоволство го најавува мечот на деценијата, во чии рамки спортските сили ќе ги одмерат ракометните ветерани и актуелните репрезентативци на ревијален, пријателски натпревар, кој ќе се одигра на 3 јануари 2023 година со почеток во 19 часот, во спортскиот центар „Борис Трајковски“ и истиот ќе биде од хуманитарен карактер.
Овој несекојдневен спортски спектакл, има за цел да им оддаде почит на сите ракометари и ракометни работници кои оставиле свој личен придонес во колективниот учинок на ракометот како најпопуларен македонски спорт.

До денеска, своето присуство на теренот го потврдија:
Стевче Алушoвски
Петар Ангелов
Бранко Ангеловски
Горан Ѓоргоноски
Златко Даскаловски
Ванчо Димовски
Александар Јовиќ
Горан Кузманоски
Аце Јоновски
Кирил Лазаров
Филип Лазаров
Гоце Макалоски
Велко Маркоски
Филип Миркуловски
Влатко Митков
Златко Мојсовски
Наумче Мојсоски
Владо Неданоски
Борко Ристовски
Митко Стоилов
Столе Стоилов
Раде Стојановиќ
На клупата ќе бидат поанешните селектори Илија Темелковски и Звонко Шундовски.

Актуелниот национален состав за претстојното Светско првенство во ракомет, кое ќе се одвива од 11 до 29 јануари 2023 во Полска/Шведска – ќе биде противничкиот табор на ветераните.
Покрај квалитетен ракомет, за време на настанот се предвидува и квалитетна забавна програма модерирана од Сашко Коцев, во која ќе настапат македонските уметници: Дац и Александар, Кики, Некст тајм и Меморија.

Билетите, во ограничен број, ќе бидат во продажба од 19 декември 2022 година преку мрежата на МК Тикетс по цена од 250 и 300 денари.

Приходите од продажбата на билетите, Ракометната федерација на Македонија ќе ги донира на „СОС Детско село“ од Скопје, која организација во моментов поддржува повеќе од 394 деца и млади кои се без родители и родителска грижа или се во ризик да ги изгубат своите родители. Повеќе од 20 години СОС Детско село функционира на принцип на донации, благодарение на кои се грижи за децата кои се под нивна надлежност.

Нека ова биде „загревање“ за најракометниот месец во годината, но и дополнителен повод да израдувате некого за празниците и НЕКА ПОБЕДАТ НАШИТЕ!! [🇲🇰] [🇲🇰]
Со почит,
Ракометна Федерација на Македонија
 

Поврзани вести

Норвешка ги отвори картите, без Тонесен, Рамбо...
Раул си оди, но Пасквал не доаѓа во ПСЖ
Денеска игра Е. Пелистер, каде да гледате?
Ви се допаѓа текстот?
Кликнете Like на нашата FB страница и станете дел од g-sport.mk