ЕП 2022: Што и каде да гледате денеска?

08.11.2022

Вести

Денеска ќе се играат последните натпревари од Прелиминатната рунда од Европското првенство во градовите Целје и Љубљана, по што ќе биде познато кои две репрезентации први ќе го напуштат шампионатот.

Би рекле дека Швајцарија е елиминирана, затоа што денеска не само што треба да ја совлада Хрватска, туку треба да ја совлада со осум гола разлика за да се пласира во главната рунда. Норвешка е веќе пласирана со две победи и фаворит во однос на Унгарија на денешниот натпревар.

Во групата „Б“, Србија мора да ја победи Словенија, а воедно и Данска да ја совлада Шведска. Во спротивно, доколку победи Шведска тогаш Словенија и Данска ќе се пласираат во следната рунда. Ова е затоа што Србија има пораз од 13 гола од Данска и денеска би требало барем со 12 гола да ја совлада Словенија.

ТВ преноси ќе има на МТВ од натпреварите од групата „Б“. Прво од мечот Словенија - Србија, а потоа и од средбата меѓу Шведска и Данска.

ДЕНЕСКА ИГРААТ
18:00 ХРВАТСКА - ШВАЈЦАРИЈА
18:00 СЛОВЕНИЈА - СРБИЈА
20:30 НОРВЕШКА - УНГАРИЈА
20:30 ШВЕДСКА - ДАНСКА