Е. Пелистер ќе лета со струшки крила до 2025

  • 21.09.2022
  • Вести, Трансфери
Е. Пелистер ќе „лета“ со струшки крила до 2025 година. По вчерашната промоција на десното крило Ненад Костески, денеска е официјализирано дека има продолжение на соработката и со левото крило Цветан Кузманоски.



Цветан Кузманоски е производ на школата на Струга, клуб во кој две години по ред беше најдобар стрелец во Суперлигата. Се пресели во Еурофарм Пелистер 2 и веднаш се наметна во тимот на Александар Јовиќ. Во февруари 2021 беше прекомандуван во првиот тим, односно тимот што тогаш го водеше Жељко Бабиќ. Кузманоски има репрезентативен статус и во сениорскиот тим на Македонија. 

„Ова е моја трета сезона во Битола. Задоволен сум, се навикнав на оваа  средина. Голем напредок во кариерата ми е што се префрлив во првиот тим, стигнав и во репрезентација и се надевам дека оваа сезона ќе ја оствариме нашата цел, да ги донесеме титулите во Битола“, изјави Кузманоски.

Со новиот договор, Цветан Кузманоски и Еурофарм Пелистер се обврзаа да соработуваат најмалку до 2025 година. 
Битолчани со овие два потписа и тоа што го имаат Жарко Пешевски под договор од три години, прават солидна конструкција на тимот од македонски играчи што е неоходно во првенственото натпреварување. 

 

Поврзани вести

Борис Дениќ покрај Зорман ќе ја враќа Словенија на...
Е. Пелистер го задржа струшкиот бисер
Јотиќ „аут“ со месеци, Лајпциг повика „скопски“ ка...
Ви се допаѓа текстот?
Кликнете Like на нашата FB страница и станете дел од g-sport.mk